禽晚早左小小瞓，今朝反而唔知醒起身喎，遲左半個幾鐘，好在公司都無乜所謂啫！不過我仍然會堅持準時返工既！經過禽晚既小小努力，我終於似番個人樣返工！係食飯既時候卡連都忍唔住話我今日同禽日簡直係兩個樣呀！係咁叫我食多ｄ野，其實我只係唔夠瞓者！飽飽之後仲比美菲見到我個豬腩肉添！

今日亞曼妮既心情仍然飄忽，不時大駡經理，都唔知點答佢好，唯有唔出聲閃開！其實有時都覺得ｄ野根本唔關經理事，經理都好容忍佢，但係我又好明白忟既時候就係咁，又唔怪得佢！結果整日歌莉亞都好迴避亞曼妮，就好似經理迴避一樣，乜野都經我去問佢同幫佢去亞曼妮度搵（佢地係坐隔離的），其實話亞曼妮唔識控制情緒咩，又唔係，因為佢都對我好好，儘量都唔會發我脾氣，如果係我忟既時候，我可能會對任何人開火添！其實今日大家既心情都忟忟地（除左我），不過如果係我可能會仲忟，呢間公司唔好既地方唔係公司ｄ人或者公司本身，而係面對大Q晒既發瘟，都唔知邊個先至係客，點解客要幫人做埋野同埋受人氣既呢！就好似你去買野，問人價唔答，話買唔理你，放低錢買完仲要自己包盒，自己攞袋走，問佢ｄ袋係邊都仲會答你我點知你自己入倉搵果隻！真係要幾過份有幾過份！好在non of my business!

放工後上栽培班，傾下計咁又數小時，離開之際和wink相討dinner中，又見到Raymond，咁岩又見到就一齊食野啦，好！逃離樂富，逃離旺角，下一站深水埗！去左容記叫餸食飯，好味道，好味道，好味道！ 之後去左松記食糖水，食左個雜果唔知咩燕（唔係燕窩，只係好似燕窩既海藻類食物），令我覺得平時食緊既所謂即食燕窩都唔係真既，咁鬼似食緊呢ｄ既！Raymond食左個"哈囉"，都ｏｋ，winkwink個西瓜大西米就真係麻麻地勒！食完佢地都話好飽，但係我就仲覺得好想食野喎，其實我仲好想食果度ｄ糖不甩同埋糊仔架！不過佢地個額頭已經打左個大X勒，唯有諗下番屋企食咩啦，雖然係咁我都好滿足於呢次既晚餐，只係美中不足既就係食肆仲未能實行全面禁煙囉！