今日係公司好得閒又好忙，因為唔知點解又係放左工既時間至有急野做！亞曼妮病還未好又要番黎做野，真係好想幫到佢，但係又似乎愛莫能助！見住佢面青口唇白遊魂咁既樣，真係好慘，只係正如歌莉亞所講，家家有本難念的經，抱怨倒不如實幹，我都要好好記住！

下午IT同我地部腦裝野，裝左twins入去喎，提供每四個鐘頭一次，每次唔知幾多分鐘的服務，哈哈！係教我地做伸展運動呀！大家都"車"咁既聲，唔駛做咩，好得閒呀咁，但係我覺得幾好喎，悶悶地twins自動彈出黎提下神，每日見佢兩次＝收工，唔駛交鬧鐘！

放左工去左西貢食海鮮，除左我之外似乎全枱無人對任何海鮮唔敏感既，但係竟然又咁有興致去食喎，奇怪！還是懷念鯉魚門之豪華晚宴！難得今晚無去食糖水，返到屋企岩岩好，睇到創世紀！

有時我都好想可以失憶，好似一切可以重新黎過，重頭開始，但假如我仍然都係一樣既我，幾多次重頭開始，結果都會一樣，無論去到天涯海角，南北西東，環境唔係最重要，最重要係你自己，我知，都明白，只是．．．大部份電視劇裡面飾演失左憶既人連性格都變埋架嘛！

零晨二時十八分，一日結束！