今日好奇怪，有好多野諗，但無論係開心、唔開心、辛苦又好、剌激又好，總之無論諗咩做咩都好，個人都好平靜。

今朝未番到公司己經開始打乞嚏同流鼻水，不時有人同我講，你又病呀！(無呀，已經唔當呢d係病！)用晒成卷廁紙添！鼻都甩晒皮，好鬼辛苦，但心情十分平靜；同同樹食飯，又是一輸說三道四，好悶，好煩，但心情依然平靜；回到家想想考試的時間，怎樣也找不到時間表，優柔寡斷的我居然立即致電同學仔求救，才發現我不但忘了時間，還記錯考試日期，好在係即時打電話，本來以為尚有溫習的時間，點知原來聽日就考，還没有正式開始溫習過呢，但心情仍舊平靜；得悉聽日就考試就諗住即刻溫下書啦，點知媽媽要係我房玩電腦唔肯走，爸爸係廳開住兩個電視一齊睇添，我仲可以點，但心情還是十分平靜；直到現時三點，我的哥哥還不時騷擾我打電腦，原來，心情有時係唔會受外界影響，嬲都可以平靜，奇怪！定係我開始無咩知覺呢．．．．