行超市時見到好耐無食既花占餅，想食既慾望急劇上升，買三包平ｄ喎！即買。食埋lunch未夠三點已經開始Tea，一路做，一路食，知味無窮，不過開始覺得甜左ｄ添，睇黎不經不覺我己經長大了，哈哈！

估唔到不消一個下晏，我就消化晒成包。唔捨得再開多包，就帶包番左屋企，家裡既化骨龍果然好化！比我還快既時間就消化左佢勒．．=.=。

每次食花占餅我都唔知佢個名係花占餅，因為媽媽總會話呢ｄ係佢細個生蟲時食既花塔餅。花占餅除左靚靚之外，仲好味，有甜味又有餅味，仲有細個幼稚園食茶點既茶點味，諗番都幾開心！