呢排唔知忙咩咁，總之無論返工放工都係好忙，你睇我家陣至上網就知啦，但係諗下做過ｄ乜又諗唔到喎！攪到我想打左好耐既樹都係Delay...........

都係講番今晚既樹先！天宮做美地我聽日同後日on show，正好呢兩日都係公司放假，夾到準一準，原以為今晚入台後，聽日又要晨早流流死去"靴"，點知．．．．．．

今晚趕到預定時間七點入到台，野都未食既我一直呆等！！！直到差不多十點，演員至入台試燈，兼夾同一時間mark台位，幕後班底係call早上九點架喎，其他演員大部份點幾到場架喎！！！ 真係眼都突埋．．．最抵死既仲係原以為聽朝仲有時間攪，點知原來無book既，三場開show前都唔會有人同我地做tech，亂到九十八彩，聽住個tech同我地傾真係覺得佢幾串(你地咁大個人，唔係細路仔，有ｄ仲話APA出身既(恥笑樣)，做野應該plan好ｄ負番責任囉，我一直都有提你地架，我今朝等你地等到而家，都只係做左15分鐘，係你地浪費晒ｄ時間，入到台都仲係好似唔知發生緊咩事，如果頭先唔係我幫下手，我諗你地而家仲set緊燈呀．．．．．．)，嚴重覺得我地唔掂咁，雖然我一入台都覺得唔係呀化！不過都覺得佢太不近人情，超準時十一點無鞋挽野走咁，爭在未用掃把！之但係幫你就人情唔幫你就道理，係佢既角度又係無錯既！=.=

出過幾次台，最弊都係呢次，仲會有議員到場添．．．希望明晚good show啦！

God bless!