我發覺我真係癲架..吼!!

係呢一個星期裡面，好似早瞓左兩日，一日唔願醒，一日唔知醒，返到公司都仲要眼瞓添！反而返完學夜瞓果晚，第二朝就安然無恙，星期五就唔好講啦，好夠瞓，咩叫瞓到自然醒起身就係咁勒，不知幾咁滿足，只係．．．星期六無里啦喂瞓唔著，其實我已經好攰，真係唔明。

本來諗住唔去踩單車，點知瞓唔著，就算係屋企都只有空呆，死就死去啦！

今日既天色一般咁啦．．大霧無乜陽光又凍，走既時候見到真真塊面紅左兩撻，唔知係熱定吹到爆"冊"呢！不過沿途風景都ｏｋ架，係停留既薯候都影左ｄ相啦。踩踩下既時候突然有度特別香，真係好香，望下原來係拜神既地方，好多香燭，點解我會覺得ｄ香燭香既？？？ 無幾耐．．就．．無啦啦跌左係樹，因為要過馬路停左架車，無撞到任何野，只係落車隻腳要放番出黎既時候鈎住架車，咁就連人帶車坐左係叢林中。返到屋企，個死野一見到我就話你今日炒車哩，(咁都估到？！ )死口唔識，其實都唔算炒車吖，仆街咁ｄ．．