係一個風雨交加，寒流襲港的晚上，我要考一個無把握的試。

盡最後的努力，溫左幾日書仔，腦袋都係一片空白，第一日空白，第二日空白，第三日都係空白！我個腦學人出污泥而不染，無論我點努力咁染呀！染呀！佢都好似加左coating咁，我隱約聽到個腦同我講：我鍾意雪咁白。

最後都真係無符，開始知道咩叫做低處未算低，我講ｄ分數，我估呢科係我要讀咁多科之中，最令我討厭的，呢幾日都真係唔好同我提"電腦"呢兩個字囉，諗起都．．．我都唔知點形容好勒！

考完試，目無表情咁走出禮堂，灰灰的天＋密密的雨，正配合我鬱鬱的心情，一股寒風吹過，感到一絲凋零。就係呢個仲"凋"緊既時候，除左我，仲有一個男人，佢個樣有點狼狽咁似乎打算整理他的外套，預備迎著雨，向前衝咁款，剎那間諗起我的一把傘都夠兩個人撐，就順道問佢：

我：駛唔駛遮埋你？（仲鬱緊的我没半點表情同高低音）

佢：（呆一呆）唔駛勒。

我：(望一望外出，唔知點解有點於心不忍咁上下)都幾大雨下喎．．．（都係無表情無高低音）

佢：係呀！

我：你都係去車站果邊架姐．．．（仲係"鬱"緊）

佢：係呀！

我：咁遮埋你啦！（都仲係無表情無高低音）

佢：好呀！

我：（呢一剎那不其然係度諗：男人老狗話遮埋佢好似好驚訝咁！驚我扼左你咩！ ）

由於心情唔多好，搵左豪少比我"訴下苦"，講講下講左呢件事！佢狂笑咁話：可能佢驚比佢老婆見到呢！係喎！我終於都明點解勒！

前果幾年，我都唔係咁鍾意講電話，但係唔知點解最近．．．都唔可以講鍾意，但係真係講多左好多，一講又個幾兩個鐘，電話費呀！！＄呀！！唉．．． 。

後尾我係度諗：今晚日行左一善，希望亞sir都幫幫忙，對我多點仁慈，比我合格啦！