呢幾日都好鬼攰，我記得前日番到屋企都九點，食埋ｄ冷飯菜汁沖埋個涼就十一點勒，即瞓！第日都係好不情願咁起身，星期五番到公司都好攰，拍七話一睇我個樣就知我好眼瞓，我話唔係眼瞓，係好攰，對腳仲不其然咁痛，不過都係要做，好多野做，好多無為野做。

本來攰到神智不清咁都唔係好想出街，但係約左好多次，又唔去真係唔知幾時再見咁！不過見到大家都好開心，都係一樣咁攪笑，一見到就講我個頭，原來我地有成大半年無見過，真係唔講唔知原來我地約左咁耐勒！

番到屋企又係攰屎左咁，今日係屎左咁，好攰好攰好攰呀！！！！！激氣！