本來今朝要番學，不過都係無番啦！．．

好明顯睇一睇呢個時晨我可以坐係度打日記既都唔係因為唔知醒，只係我呢！呢隻魔王呢！都係慢到無人有！

禽晚的起心肝搵番份超煩功課黎做，夜媽媽捉住同學仔問佢點呀點呀點．．．最後佢比左佢果份我，我就花左半個零晨睇明佢，頂！明都要半個零晨，要我識做可能等十世！變左－＞。

跟住對下同自己唔同既答案，又砌過一條佢話明唔岩既答案，雖然我都唔覺得我會岩左，不過橫掂都唔岩勒喎，自己做都好過抄吖，就係咁攪到天光，攪到就算出門口都會遲大到。

完成左一份，都仲要繼續努力，仲有兩份，不過超級慢勢魔王上身，有排攪，腦呀腦，你醒少少得唔得。到底點解人地咁叻叻，而我就．．．。