唔記得由邊日開始後悔應承左平安夜出街，仲要好不幸咁因為病左咩都無理，由佢話事，咁呢！我就中左招啦。

我真係好唔想覺得你笨，不過你真係笨到呢．．．　．．．。一黎就有個唔好既開始，因為我要搭地鐵，天呀！你揀尖咀。天呀！我被迫係尖咀玩兜圈。天呀！你唔知改道。天呀！你揀睇戲先，結果遲到。天呀！仲要十點食飯。天呀！我懷疑同你一齊我六十歲前都唔會有飽飯食。天呀！仲問我想去邊！天呀！已經被圍困啦，仲去得邊。

全晚都叫自己冷靜ｄ，唔好發皮四，但個心除左annoy呢個字，無其他野。食聖誕餐果度有ｄ聖誕禮物包玩，其實我覺得低ｂ如我，同任何人去都會攞住包玩具係咁玩，唯獨對住你，我容忍唔到自己白痴，呢個問題好嚴重，我諗我要正視下。