放左四日假，今日番半日，又放半日溫書去，真係有小小勤力架。

本來諗住OM可以靠計數食糊，點知對住份卷，我完全唔識計．．，最後都係寫野先，其實ｄ數好易，但我唔記得晒ｄ公式同步驟，咁．．．死得啦，又搵亞求其黎頂當，希望厄到ｄ分。好在既係，本來以為衰硬係寫野果度，但又比我寫到ｄ野，唔駛雙失咁陰公。其實計計下，樂觀ｄ我都可能B到，但係個人就好唔開心，係咪定得太高要求呢。

今日好多人好早就走左ｌｕ，淨番幾個人（包括我）努力到最後（鬼叫我唔識咩），最後．．．最後都寫唔埋果幾隻字。收卷後去搵野食，食咩好，食好唔食好，諗諗下就想去牡丹樓，可惜搵唔到，就去左雞鴨司，不過都無包食．．>.<，又求其買個鬆餅算ｌｕ。

呢排ｄ快樂因子比唔快樂因子重重包圍，攪到我連食野既時間都想喊，好節墮。又好想搵佢，好想講下野，或者，同佢一齊的時間好開心，令我唔記得左無佢既時間會唔開心，我應該組織番更多一個人的快樂，打低ｄ唔快樂因子。