今日無聊，走左去按摩，點知阿小姐一入去就帶我去間獨立式既浴室，然後就攞晒ｄ毛巾、拖鞋、紙底褲、紙胸罩同浴帽黎，然後就咁就想走勒。

我即時問，你即係想我點呢？

沖身囉。(心諗：按摩咋喎．．屎唔屎沖身先呀？)

沖完出去叫你呀？ (心諗：唔係要著住條毛巾走黎走去掛..)

你沖完有人會係度等你架勒。 (心諗：唔問都唔講呢ｄ咩服務態度呢下)

講真，雖然話晒都係獨立浴室，但係就真係一ｄ安全感都無呀！個玻璃企缸全透明，周圍又有ｄ鏡喎，真係從未如此清楚望過自己ｄ豬肉，萬一個鎖壞鬼左都唔知點算。

忐忑不安咁沖完個涼，望住ｄ紙底真係唔知想點咁(有機會大家去試下就明架勒！)，出番走廊搵個人影睇下都無，呆坐馬桶就不如影下相，哈哈．．．

．．．我影個玻璃企缸有幾透明咋！

之後，見到ｄ衫．．好平喎．．買買買．．．點知買開左就不得了，行過唔知做咩就買左成set eyes make-up，真係好日都唔用架喎！算．．都買左囉！好．．一於由聽日開始做個靚靚豬！

臨番屋企之前，都係忍唔住要去望下個月光，今晚佢比左個三七面我睇，都ｏｋ靚呀！傻更更咁又影左ｄ相，今晚都仲有好多人玩蠟燭呀！我驚ｄ人驚我影佢，所以都只係影左少少景就走lu...就咁就過左中秋！