今個月簡直係一個最倒霉既月份!

首先就係蕊姑病.之後就到anna病...

再之後就到shine.仲有我阿妹~

而我?終於係咁多人既夾攻下病左啦T^T

之不過九月就黎過啦~我希望我既病亦都可以快d好番!

咁到時我就唔哂咁辛苦,同埋可以食d我鐘意食既野!!

原黎病真係好辛苦架!

今日放學要進行兩粒鐘既乜鬼死中文測試~

搞到我要遲番屋企(好彩d功課唔係好多啫^^)

但係我發覺得我愈黎愈唔鐘意我個副班主任(陸揚老師)

第一，我覺得佢既教學方法唔好.成日當我地係小學生.小朋友咁...

第二，佢地處事態我好唔鐘意.成日都偏d男仔(特別係子謙.\  /.)

第三，非常神經質.一時就笑笑口一時就嬲霸霸!

就以今日黎講丫~原本己經測完驗收緊卷架啦~

但係唔知因為d乜事.佢冇啦啦發老脾.要我地拎番d卷.然之後重新交過!

我真係頂佢唔順.竟然可以咁變態!我好憎佢!

 karen生日快樂!   

希望個個都可以日日開開心心~

今個月係傷心的月份!

真係唔關你事丫~milk

呵呵呵，今日上完最後個堂就唔使番啦(放3日假)

太好啦，不過d阿sir.miss就俾左好多功課我地..

差唔多有六七樣丫~

雖然有3日假啫，但係都要休息架嘛T^T

想攰死人咩...不過算啦~

原本聽日就諗住去唱K，但係D人就…

我諗都係去唔成架啦~(橫掂我都冇錢)

唯有下次再去啦~

希望ANNA快D好番哦

王顯淇生日快樂!

今日放左學之後，成班人一齊去冒險樂園拎金幣!

因為之前參加左個好學生計劃^^

我啦.wilson啦.顯啦都拎到丫...

但係shine就仲未拎得..

拎完之後佢地就去左m記食野..

之後我又撞倒阿妹喎.所以就一齊番左屋企先啦~

今日放學去開會(辯論學會)

開到差唔多4點3就走左啦~

之後就去左球場搵佢地一齊去補習~

點知去到個陣.唔見左karen~

之後就搞左一大輪.終於起程lu!!

去到miss個度.先發現原黎同我想像中唔同架-口-

不過...個miss都算幾親切.幾好人~

同埋佢教d野都幾好(但係我乜都唔識T^T)

最後補到七點幾就走人lu.跟住就去食飯~

有milk.蕊姑.karen.shine同明.其他番哂屋企啦~

最後到左9點幾就番到屋企啦!

暫定星期三同六去補(希望真係可以學到野!)

今日上英文堂個陣竟然突然間要DICT!!

有冇搞錯丫~都冇事先聲明(雖然我都唔會溫^^")

好彩我都合格啫,但係d人好衰丫...(竟然改答案.\ /.)

跟住就放lunch啦.但係蕊姑好快就唔知走去邊啦T^T

後尾我諗住嬲下佢.唔同佢食飯.所以拉左顯同軒同我一齊食飯~

後尾行行下覺得自己好衰女丫~(掛住milkmilk同蕊姑丫)

點知諗緊食咩個陣,突然間見到阿milk同蕊姑係後面!

個一刻.真係好感動丫!原黎佢地冇掉低我架!(好多謝你地丫)

對唔住丫~我下次都唔會架啦!

今日成日都係屋企，不過有出過去一次。

就係陪shine去交表，聽日就輪到我去交...

shine由12點幾黎到8點幾先走...

原本諗住一齊做哂化學同英文功課...

但係最後淨係做左化學，英文一d都未掂過!!

因為我地掛住玩呢樣玩個樣><""

唯有聽日再做過英文啦!!(今年真係要補好英文丫)

依家有側田演唱會哦..去睇睇先

今日頭2堂上物理，開心渡過…

第3堂就係"Econ"今次阿sir冇好似上次咁惡啦..

今次仲溫柔左添，幾好幾好！

跟住落黎係到中文堂，有少少無奈。

(佢竟然話習作唔想改正就可以printer出黎痴係薄度-口-)

都係Miss chan好d，真係好掛住佢~

之後個兩堂就冇咩特别…

放左學就陪阿shine去校隊練波…(好彩有sky.顯.謙陪我)

不過中途我俾個波踢中左...(><痛)

好彩後尾冇乜事^^

最後都係等唔到阿shine(俾阿sir趕)

所以要被逼走人，好彩顯送我番屋企！