今日終於要調位啦！

不過，今次miss都係俾我地自地簡位坐。

實在太好人啦，因為佢話驚幫我地編位我地會唔開心喎！

(但係如果原本坐隔離嗰個就唔可以再繼續一齊坐)

嘻2...軒都係坐係我後面，但係佢今次同condom一齊坐…

而我就同阿milk一齊坐，原本係要同辣塔一齊坐架~

但係...講上黎就一匹布咁長。

算啦~同milk坐都幾好丫~無乜所謂！

原來你與我的距離是多麼的遠。

遠得摸也摸不到，看也看不清。

有時我會傻傻地想：這是你嗎？

這個真的是我熟悉的好朋友嗎？

為何？為何你會變成這個樣子？

難道你對我的承諾已經兌現了？

定還是你對我說出好聽的謊言？

今日派物理&Maths卷...

我數學成績就嘛嘛;物理就好d。(好開心哦)

不過軒今次考得唔好~唔開心哎…

但係我數學就唔係幾好啦~

得7字頭...又要捱打了。

嗚...嗚...嗚

希望數學卷一唔好再98啦~
咁就好好架啦！

今日測地理，我識做丫...

應該係話我夠時間做。

因為呢份卷都幾多下架!

做得哂都叫幾叻，大致上都叫識做..

因為就係驚答得唔夠詳細(因為驚後面嗰d唔夠時間做..)

今日仲派左英文卷，我得70咋，軒就有83分。

今次測雖有d測得幾好，不過有d就嘛嘛地。

不過唔緊要，因為我考試一定會好過依家!

因為到時我一定會努力溫書。(起碼努力過依家)

聽日，考最後一科，不過都冇咩希望...TT

今日統測數學哦，但係我有成2條唔識做...(仲有一條唔小心做錯左TT)

唉..今次真係…早知琴晚就努力d溫書啦~

但係我就故作輕鬆咁係度打機。

不過有早知就冇黑衣啦~

算啦~統測衰好過考試衰，等我今次吸取教訓，考試就唔會再犯同樣錯啦﹗

哈哈哈！都係隨遇而安啦。

太耐冇寫過日記啦...

因為呢排部機死左...

原本部機係冇聲既...

跟住我就打去問啦...

然之後佢就要我洗機...

點知洗到部hard disk燒左...

到琴晚先有人黎整丫~

唉....

就係咁多!

曾經，我因中文而驕傲。

此時，我因中文而失望。

其實由中二下學期開始，我的中文就一次比一次差。

其實我自己是知道的，只是不想承認，可能是沒有承認的勇氣吧！

由中一開始，我便覺得自己的中文水平高人一級。

但…那是過去了，我不能再以中文以為傲了───因為我失去了這個資格！

我想努力，想再次證明我的中文水平！

無論如何，我想賭一賭那命運。

今日朝早番到去，撞到Ash~

不過我冇同佢講野哦…感覺好似怪怪地。

今日我有落去操丫~(朝早&放學)

不過朝早一落到去就俾個肥仔隊長係咁鬧…(無奈-.-)

放學本黎諗唔去架，不過最後都去咗…因為shine(sky.龔書林)話要去。

我地一邊操.一邊睇住啦啦隊練習(仲一邊有d天降之物俾埋黎──排球！)

睇住d啦啦隊練習，發現原黎四社之中係唔見左行社架！(唔通進行秘密練習？)

諗番起中一嗰陣~我曾經都俾心機背口號記動作。

不過…時間過得太快啦~乜都變哂…

就連我自己係邊個都唔知…

呢幾日雖然唔係好多功課做..

但係就覺得好煩...

都唔知點解~

可能係27號嗰日又要測中又要測英啦!

所以感覺上好似有好多野做咁...

聽日又要上電腦堂啦~

希望唔好再教d我唔識既野啦~

堆積如山的功課，令我失去提筆的勇氣。

只怕一提筆，不知何時才是放筆的時候。

太攰了，太攰了，我需要休息一段時間。

縱使過往再多麼引以為榮，
那始終己經成為了過去，
唯有的是再裝備自己，
才能再次踏上戰埸！