今日聖誕聯歡會　返到學校　收左幾份禮物（有高達同哈佬）

放學１２點去左網吧打日記　去到見到我成班ｆｄ　有２０幾人

上星五個日放學個時同ｄ　ｆｄ傾左一陣計就返竹園

係籃球場見到魚魚　佢落黎係叫佢細佬返屋企

不過我覺得佢細佬都冇救　又食煙又打交又唔返學

都唔知點先教得好佢　同魚魚吹左陣水就返到屋企

返到去我阿哥又同阿爸嘈　不過今次係第一次見阿哥罵人

聽到佢係咁嘈　講ｄ野好搞笑　我都係咁笑　

星二個日歌唱比賽　我個班ｄ女仔輸左

個個都係到賴人　顛鬼哂　又話我地男仔唔幫佢　佢真都唔夠人唱得好聽呀嘛　

我覺得輸唔起既人先係最冇用　連輸一次都輸唔起

又唔諗下自己有咩做錯　真係唔知佢地諗咩

不過就聖誕節啦　又冇乜人陪我去玩

好想見下欣個樣　因為次次都係睇佢ｄ相　好耐冇見過佢真人

又唔知佢有冇高到　不過女仔太高唔可愛

希望聖誕節叫佢出黎玩　今日講住咁多先　依家打機

５點肥鼓同我講ｄ好掃興既野　仲串左好多　睇黎遲ｄ要教教佢

不過好似冇人睇我畫個公仔既　如果想睇　拉到最下就有架啦

睇完記住比意見∼