今日好凍　唔想起床　整到差ｄ遲到

返到學校係咁訓　訓到小息　小息個時　我去搵Ｍｉｓｓ黃

諗住再叫佢比返本小說我　點知佢係咁哂我時間　仲要我罰抄

抄成一百次　仲要放學交

我火起黎　罵左佢幾句就走左　上到設計與科技個時

伍ｓｉｒ（ｍｉｓｓ黃既老公）爆我ｄ野比哂全班知

仲罰我一個禮拜冇小息　咁咪罰囉

最後個堂我叫左好多人幫我做功課同罰抄　唔洗一陣咩都做哂

返學個時同威威　肥鼓去公園吹水　肥鼓係到曬命　話自己有２條女

我同威威係咁笑佢係「豬扒殺手」　笑左佢成個鍾

返到屋企　吃飯個時　我阿哥睇到阿爸整左好多雞就話「依家流感呀　仲整咁多雞」　

阿爸就話「唔好吃囉」　我阿哥走入廚房整牛扒

個時我覺得佢好型呀＞口＜　最後佢都有比幾件我吃

佢整野食都唔錯　吃完野之後就沖涼再打日記　打左一陣有小小攰

依家就去訓