監管細佬之後的第一個星期六, 梗係唔會俾佢係屋企無無聊聊咁過啦, 最緊要就唔好俾佢係屋企睇電視, 今日一早叫瑜的左佢出黎, 一齊食早餐之後, 瑜就去左返工, 我就同細佬去行科學館, 本來想去睇下有咩新展覽, 不過同細個來的時候好像都差不多, 真係50年不變….下次有機會帶細佬去其他展館先…..
瑜話細佬坐船會嘔, 個時係小學2年級, 大個左應該會好一點…結果係無嘔的, 我地坐船過海主要係想去中央圖書館申請一張圖書証, 不過中環填海之後我都唔係好認得, 攪到轉左個大圈….跟住同細佬周圍行下, 如果今日個天陰哂的話, 可能我會去離島, 不過今日下午去左坐叮叮, 同埋行下灣仔, 細佬今日一邊行, 一邊叫肚餓, 我食咩佢食咩之餘, 佢仲要食多左一個雪糕, 同一個雞脾, 之後食完野就話累, 本來仲想帶佢去北角食魚旦粉, 不過依家都係叫佢番屋企做功課同溫書好點…..
今日返屋企見到UNCLE都係屋企, 應該係上黎俾錢買電腦….其實已經攪店左, 花左一百六十元, 賺左佢3000元….奸笑…..今日細佬以為UNCLE係到, 我吹佢唔漲, 我照樣可以攪得店佢….想食飽就訓….沒門….
今晚UNCLE叫AUNTIE去添湯, 言語上有衝突, 有句好經典的話, “你養我呀!!”哈哈…. 又可以拎呢句野講一年….
|
