鋸左成日樹頭, 到下午個冷氣機師傅裝冷氣, 我先知發生咩事.....

今日早上, 3樓完工, 本來打算整地板, 點知唔夠, 所以就整樹頭, ken就去3樓攪天光, 都係零碎野, 但係都可以攪到一日, 所以話裝修唔係你自己可以預計到時間, 或者專業既都得既, 講得專業就肯定得啦....唔係點叫專業呀....今日成整爛整....都好似整唔到平的樹頭, 講真如果唔係個樹頭好近石油氣制, 我真係會拎火燒左佢......

當我死整爛整, ken仲話你個樹頭未平, 個一刻, 你出黎鋸呀....我真係好想講...不過講到口邊都係收番, 鋸唔到又唔係無飯食...距鐘意講唔俾距講咩, 香港有言論自由....我都可以串佢, 佢當然都可以串我啦....當個師傅見我鋸個樹頭, 整左成個鐘, 佢俾左把弓鋸我, 唉, 快成10倍, 等我拎把板鋸, 整左幾日...唉....

不過我死整爛整, 整冷氣機呢兩條友都唔知整咩, 都整左成2個半鐘, 一日俾盡佢都係4單....唉,咁做野, 蛇都死啦......