今日KEN約左佢中學的好友去佢屋企, 所以我家姐拉埋我自己搵節目, 唉....如果俾其他人, 開心都黎唔切啦, 仲邊會理你咁多, 不過我知自己的工作就點都要做完先, 唔係等幾多日都係自己做番, 何必呢, 自己拖住自己...心入面又要記掛多一樣野...所以今日我自己自動請纓同埋升爺入錦繡執屋....唉, 勁多野執呀, D野好似排出倒海咁, 我首先要幫家姐的衫入櫃, 不過之前要洗一下個櫃.....洗呢一個櫃我地兩個都洗左成個鐘, 因為灰入左木與木之間的紋理入面, 洗完又白, 白左又洗番....唉...好似功夫做極都做唔完咁....我地食野都要用慢火係度慢慢煮, 自己去做野, 因為大火又驚滾, 細火可以去做野, 又唔會哂時間....
 

夜晚旁邊的屋開始熱鬧起來, 因為今日做冬, 旁邊成日同我地聊天的婆婆佢的屋企人番左黎, 都有3架車, 10幾個人番黎, 唉, 佢地呢D都唔知係叫咩....孝順就唔會俾佢自己一個老人家係錦繡自己一個人甘無聊啦, 不過過節人地都番左去, 解釋只係有一個, 就係家家有本難唸的經....我地夜晚仲執緊個櫃, 本來為左家姐都無咩所謂, 不過佢為左幾枝水, 同我講有無攪錯, 個一下個心真係涼左, 係個雪櫃入面, 咁都話我
 

點解要分開放, 大佬, 枝水幾大枝, 個雪櫃有幾大...見到位就放架啦, 唔知佢話KEN搵完成個雪櫃的定義係咩....我個時真係好想換衫出去, 睇下個幾枝水去左邊, 如果俾我搵到, 我真係XXX死佢地....不過停底想一下, 我如果真係搵到, 甘又點呢, 唉.....到時唔通真係同佢地兩個嘈咩, 依家家姐又夾係中間, 如果係KEN同我講, 我或者會XX佢....不過都係算了.....
今個冬至特別凍, 唔係天氣, 而係心.....今次的經驗話俾我知, 叫人做野要照顧埋人地的心理, 因為人地就算收左你人工做野,都可以唔高興唔做, 自己一個人做死自己咩....所以講一句話, 人地開心, 自己都開心點, 所以何必要講一些大家都唔開心既野.....