全年最後的一天, 今天懶洋洋的感覺都可能因為遮光布, 因為一遍黑暗, 都唔知幾點, 總知訓到唔想訓為止, 睇下鐘, 原來都係一點, 不過出門口都要2點, 唉, 呢個時間都唔知點咁, 今日的行程, 先去買藍芽, 之後check貨…仲有幫家姐拎野…好似好少野做咁, 不過全部都要好多時間的…..
幫家姐拎野個條友次次都係要我等佢, 等人一陣會死咩, 不過大陸佬都無咩邊個會等你, 個個無野做都唔會等你, 寧願你死等爛等, 咁先會覺得佢重要, 佢地永遠唔會覺得咁做乞人憎, ok…下次唔同你玩….
今日買完野之後想係附近找個地方驗貨, 不過比我地想像中多左好多野, 除左盒仲有佩件, 所以都係拖番酒店驗完先食飯….下午都無咩食野, 打算今晚去食自助餐, 不過好像次次上大陸都無咩邊次唔食蠔, 所以今晚決定俾上次咸到痴線個條友一次機會….原來發現上次SERVE我地個個係部長, 唔係老闆娘, 哈哈, 都幾尷尬, 差少少叫錯人….個老闆娘就死做爛做, 個部長就好似好得閒周圍同人傾野, 個角色好似調轉左, 不過做自己生意, 力不到不為財…..
今晚食野方面可以接受, 不過唔算最好, 有時間會回來吃, 不過唔算係100%回頭….因為我地都飲左成枝大水….晚上好凍呀, 不過仲未落雪, 都唔算有個白色年尾, 凍到瑜牙都震咩, 奸笑, 等佢唔帶衫….知死未….哈哈…..
好多人都唔會記得每一年自己倒數過新一年做緊咩, 我今年就係度洗白白….哈哈….瑜就係度睇電視…..HAPPY NEW YEAR
|
