晚上去左瑜屋企, 本來想係佢呢邊上網, 不過整左好耐都整唔到上網…唉, 好灰的說, 仲以為係呢邊可以上網, 不過瑜媽咪話可以拎番學校叫人整, 我覺得整得番好的可能性唔係好高, 不過佢話拎去整,我覺得都可以一試, 不過如果整唔到, 要等我地番香港之後再整就好煩了, 因為我地應該買左貨, 到時無得上網, 都幾大劑….
無得上網, 我就係度用佢部電腦打日記, 今日上午已經用左佢部電腦打左日記了, 不過未打哂, 所以我呢就打日記, 瑜就係我後面執衫, 我打哂日記, 佢都可以未執好, 女人有無咁多野執呀….唉….
今日凌晨就過左去深圳, 去左食野先, 因為食飯已經係尋晚的事了, 去左間永和大王, 一碗牛大王面, 21元, 原來即係牛雜面, 好過去搶, 香港都唔使咁貴….之後我就食左個牛肉米粉, 仲好過瑜個碗, 都係8元, 貪心的下場…呵呵, 之後去左按摩, 不過都唔知有無按, 不過我同瑜兩個人兩個鐘先70元, 仲抵過淡水好多…我地全程已經訓死左…..哈哈, 不過按完都係早上7點, 今日比尋日凍左好多呀, 又咁早, 我地去左酒店, 訓一陣先…..點知一訓就下午3點幾….出左去出面行下藍芽, 點解一下子貴左咁多既…..行左3個幾鐘, 無收穫, 之後行下B&Q, 都係好貴, 所以都係無收穫, 再行下東門, 想睇下格仔店的租, 比想像中貴, 不過價錢都可以接受, 行左6個幾鐘, 就想找地方食野, 本來想去豬介紹個間潮泰打邊爐, 不過又唔想行咁遠, 見到一間好似好抵食的火鍋店, 本來打算如果入面無人, 我就出番黎, 點知…入面都好多人….價錢都唔係好貴….不過睇真d, 佢的份量, 同埋價錢…就真係貴到離哂譜…..食左60幾元, 都好似無食過野咁, 呢間真係黑店之中的黑店, 或者我咁想, 如果我揀個d都係青菜, 蘿白, 粉面之類, 就一定飽, 不過食肉都唔係咁貴者….係大陸, 30元一個人食咩都得, 食咩都飽啦….永久blacklist…..
之後行番酒店打算聽日一早起身再去做野, 不過講真, 唔食邊到得呀, 去左一間好似蒙自源的雲南餐廳, 點左一個酸菜肥腸, 一個榴槤薄餅, 一個香菰滑雞, 我地兩個食完一個, 剛好來一個, 食到停唔到口, 只是一個榴槤薄餅就值得覆灼…下次如果找唔到地方吃, 呢度都係一個不錯的選擇…..
|
