家姐今日出去元朗做BODY CHECK, 朝早佢落黎整野食, 個時我已經醒左, 不過家姐尋晚話要我8點起身, 今朝都無叫我起身, 唉, 之前我覺得家姐嫁左人, 無左我呢個細佬了, 不過今朝一件小事, 我都開心左好耐....哈哈~~
 

今日家姐出左去做BODY CHECK, 我就係屋企將D行李搬上搬落, 跟住執埋野等家姐電話, 唉, 今日左整右整, ,到最後都係執漏左野, 知道個時已經係錦繡巴士, 又無鎖匙, 想番去拎都拎唔到...又驚家姐省到我上天花板....個個心情, 真係非筆墨所能形容, 不過姐都係話左我兩句, 都無咩點講了, 今日姐去左交樓, 我就係樓下看車, 看看下都訓著左, 鬼咩, 呢排咁忙, 平時呢個時間就係我地最忙, 依家有得坐, 有得休息, 仲唔剩機訓一陣咩....
 

今日家姐交完樓, 我地就番左屋企爆櫃, 仲以為好簡單, 原來個櫃有好多地方都係痴住牆, 所以整完會好似6國大封相咁, KEN走左, 我就執餐飽的, 不過有一個肯定的, 就係我今日無可能整得哂, 所以今晚執好哂屋企的櫃的碎....就同瑜去過平安夜, 今晚我地無食聖誕大餐,不過今晚我地食上次食的上海菜, 食到我中學時食的味道, 炸醬, 我仲以為我地之n4前個間執左之後, 以後都食唔番,今晚食得番, 意義大過味道....不過瑜唔知點去評價呢一餐聖誕大餐呢?