尋晚番到屋企之後, 俾媽咪哦左成晚, 話整到咁亂, 不過聽媽咪話, 可能屋企好似鄧小平話50年不變, 咩都唔會丟, 咩都留番係屋企....
 

今日做的事就係將屋企多左出黎的傢俱, 拎左俾瑜, 因為放係屋企都係丟, 俾左瑜佢仲可以少買兩樣, 一家便宜兩家著, 今早CALL車, 原來CALL車公司可以好不負責任咁, 我打左俾佢, 佢話回我, 但係等左成日佢都真係一個電話無回我, 真係成日, 因為等我叫完車, 送埋野去瑜屋企之後, 到食飯, 佢都係無回過我....所以我就同自己講, 邊個第一個打番俾我, 我就幫襯邊一個, 好在, 今日話就話係假期, 不過有錢賺, 香港人係唔會理, 一定有人會出黎做.....
 

今日拎左野俾瑜之後, 我就趕住番屋企整屋企, 今日就係要執好屋企, 不過我知一日半日一定攪唔哂, 不過今日都好趕, 同升仔食飯先,因為係屋企煮太哂時間, 仲有就係屋企好亂, 飯食左, 連塵都食埋, 所以今日做的就係執野, 同埋剷牆, 今日都叫完成哂了, 明天油油....今晚的工作攪完了之後, 就同瑜今晚行街食飯....
 

今晚去左上次食唔到的餃子店食野, 原來係出面見好似無位, 原來係佢門口個廚房的另一邊原來有好多位, 佢咁既設計, 真係失敗, 不過話番轉頭, D野真係幾抵食, 味道OK, 可以覆灼, 不過食完好快會肚餓, 因為食佢個餃子之前, 仲有湯飲, 飲左都半飽了...所以食完餃子仲唔暈咩....食左好多都係水, 所以我今晚番到屋企都要再食過呀....唉......