今晚本來想去mega box買野, 點知行行下到半路, 都唔可以叫半路, 其實一去到mega box, 對拖鞋已經爛左, 我係拖住佢行, 又唔想俾瑜知道, 一陣又俾佢笑我....唉, 想去行下, 都無咩心情, 不過瑜仲未知我因為咩事, 好似好hea咁,本來去之前好似好熱衷, 不過突然間又好似咩都唔想做咁....之後想找個地方食飯, 上個星期同我家姐去左呢度的大家樂打算覆灼, 點知, 好似想關門, 連個Menu都變得早上的早餐, 咁即係趕客唔使食.....
 

跟住我同瑜行番去德福, 見到間美心food 2, 其實都未試過, 之前未見到個面牌的時候, 以為係邊間餐廳個裝修都唔錯喎, 點知睇左原來係美心, 真係估唔到....
 

今晚我就食扒, 瑜就打邊爐, 因為我個咀爆左呀, 所以我就唔打邊爐, 只係食少少野就算了, 瑜個個呢....奸笑, 就係最大份的6併, 我估真係餓左成個星期都未必食得落咁多, 瑜食左一半都未夠, 就已經投降, 最後俾我迫住, 都食左8成, 我相信佢短期都唔會吃打邊爐, 今晚我就有少少唔開心啦, 因為對鞋爛左, 不過未至於丟臉, 所以對鞋都唔會丟住, 仲可以整番去用.....呵呵, 慳得一元得一元.....