次次同媽咪講親拆左屋企張電腦台, 媽咪就係咁話, 你既野都唔知放去邊, 拆咩拆呀, 我媽就係咁, 咩都唔會掉, 咩都放哂係屋企, 上次唔係我等佢唔係屋企, 想爆個櫃都無可能, 餐台佢都話唔掉, 我想問有無人屋企有2張餐台, 除左有錢人有兩個飯廳….
我心入面有個決定就係先斬後奏, 先買左, 之後先同媽咪講, 個預算係5000元樓下, 今日同瑜食完早餐, 拎左藍芽之後就去左行高登, 11點都未開門, 原來高登依家11點半先開, 11點真係半個人都無….我就係出面裝裝下, 好在有保安係我後面, 唔係閉路以為我偷野我咪死……
今日本來都預左使5000元, 不過見到一部電腦賣緊4000元, 如果係LINUX版本就可以平500元, 有得平, 幾大都買平個款啦, 個SYSTEM都係一樣, 有咩所謂…我買完電腦就去左九龍灣還屋企的寬頻盒仔, 不過之前都無想過呢個寬頻成300元一個月, 唔好去搶…依家唔上呢個網, 雖然仲未找到新的網絡公司, 但係真係鬆左一口氣….
還完盒仔之後就番去整寬頻, 本來以為升仔攪店左部機, 點知仲未得, 不過今日我一定要攪店個寬頻, 因為再唔攪, 咪成日要去瑜屋企, 雖然佢唔介意, 但係我都覺得會唔方便…..
最後決定係上死馬桶, 最後一秒先知佢會BLOCK BT同埋FOXY, 不過唔理得咁多, 反正我用都係COMMERICAL 方面, 呢D都係家具寬頻個邊先攪….
今日要做的事已經做完了, 感覺真係幾好…因為都講左好耐……
|
