今日下午同瑜去左食上次我地話好好食個間餐廳食下午茶, 唉, 今日好失望, 杯咖啡太差, 無咖啡味, 奶又無奶味, 都唔知佢想點….個米線的五香肉丁, 仲pk, 凍的, 我呢d無咩所謂既人, 好一餐唔好又一餐, 所以都無同瑜講, 唉….夜晚同下午差咁遠, 係咪有兩個廚師架…..

本來我係瑜到dl完野之後, 就番屋企, 因為升仔無帶屋企鎖匙, 所以要番屋企做keyman, 不過升仔剪完頭髮又話唔番屋企, 要返工, 我就有時間陪下瑜行下街, 佢成日嘈住要買靴, 唉, 買咩鬼靴呀, 次次話個對又唔岩, 呢對又唔岩, 不過佢的眼光如果係我, 就唔會買佢依家著緊個對, 我都唔鐘意個款靴….所以我睇岩左的, 我唔會叫佢去睇, 因為大家的眼光都唔同….

 

晚上, 去左B&Q睇漆, 唉, 無收穫, 好貴, 所以都係番自己地頭買, 不過最緊要都係油完即刻出街, 因為陣味真係好惡頂…..所以幾時北上買貨, 就幾時油, 等媽咪以為我唔做野, 其實好多野唔係自己懶, 都要ON PLAINNING, 唔係做完又做, 咁同無做又有咩分別呢?

 

晚上去左大家樂, 我就打邊爐, 瑜就鋸扒, 我其實都唔係太肚餓, 所以夾左好多野食俾瑜, 養到佢肥肥白白, 先可以幫我做野, 所謂朝廷不養餓兵, 之後行下宜家傢俬, 想買個櫃放係屋企, 不過都睇唔岩, 呢D野真係可遇不可求, 反而買左幾件衫就真係幾實在, 呢年我都好少買衫, 主要係睇唔岩, 今晚一次過我買了4件, 瑜買了一件, 仲有條頸巾, 番到屋企先試著, 都幾FIT SIZE, 仲俾左一件升爺, 當多謝佢幫我整電腦的報酬, 哈哈….

 

今日的一件趣事係瑜的媽咪唔知佢邊個同事去左法國買瑞士蓮朱古力當手信, 唉, 去得法國, GODIVA都唔買, 買埋呢D平價野就話俾人知佢去過法國, 好似低手左少少…所以今日我都係度想搵到呢種朱古力踢爆佢….哈哈, 好似以前中學咁, 踢爆人自己就會覺得開心, 將自己的快樂建築係別人身上, 呢D先係我既風格…哈哈