本來今朝9點先去做義工, 早上六點已經起左身, 訓夠左掛, 自己就已經識起身,起身第一件事就係洗白白啦, 跟住煮埋野食, 其實6點起身都無咩時間, 好似好快過咁, 今日去到目的地, 一個人都未有, 又係我最快…哈哈
今日上午的工作就係剷欄杆, 嘩, 都好大陣仗, 成套裝備, 又眼罩, 又口罩, 今日的天氣又熱, 嘩, 戴15分鐘已經好鬼熱, 不過唔戴又唔得, 因為剷野好易有碎飛入眼, 入左去就真係幾難想整番佢出黎, 所以今日15分鐘hea一下…
下午就可以油油, 原來底油有黃色同紅色, 我一直以為只有紅色…哈哈, 又學多一樣野, 不過以為4層樓有5個人會好快, 只係欄杆位個少少野, 點知….一油就係一個下午, 因為轉角位都要慢慢油, 因為整左係牆同埋地下都要即刻刷, 唔可以等, 因為底油黏性好高, 乾左都唔使用松節水洗番, 一定乾哂…到時就要用剷都剷唔起….
不過最後都係要地毯式行一次, 原來有好多點整左係地下, 真係好難攪, 好在最後5點前都攪店…唔使遲走, 今晚番到屋企整左一陣野, 之後出左去同瑜係kfc食野,叫左細佬落黎, 等佢知道要一樣野, 就一定要付出另一樣野, 無可能不勞而穫, 不過佢今晚都知道, 錢唔係易賺, 因為得到左野…佢今晚就要整到差不多2點….哈哈
|
