今日約左另一個兄弟出黎, 不過未見咁多年, 都唔知依家佢係咩樣了, 不過把聲都無咩點變, 最緊要就係想見下佢女朋友, 佢都係其次…哈哈….今日早餐就去左掃街, 最攪笑就係我地未俾錢, 就走左去, 一個推一個, 唔係你俾左咩…最後梗係俾左錢就走得啦…
今日見埋呢個的女朋友, 無相入面咁靚, 不過可以接受既, 小朋友仲可以要求咩呢, 不過佢今日好似好忙咁, 強人所難不嬲都係我的作風, 所以我係咁俾壓力佢,等佢要佢女朋友留低….佢就留低就人質….
下午HI-TEA我地要左個雪糕火鍋, 不過大陸同香港的無得比, 但係做到佢咁既樣真係無咩要求了…之後瑜同佢女朋友去左修甲, 我就同我個兄弟去左洗頭, 估唔到服務態度都可以, 吹頭都唔會中間分界….之後佢女朋友話要番屋企交差, 我就話佢就唔走得, 要跟住我, 我地跟住去左買好多手信, 可以吃的….之後番酒店放底少少野, 等佢女朋友主動現身, 我就上網回下EMAIL, 到晚上出去食飯, 今晚間野得一樣野我會再去幫襯, 就係榴槤滋, 唔係就永久BLACKLIST, 食到半路,, 兄弟有事走先, 佢女朋友話想陪我, 不過我覺得唔需要, 我就叫佢去扮野去我兄弟屋企, 睇下咩事, 扮都要扮野啦, 佢想一下又係喎, 就走左, 我同瑜去行街, 買左手信俾瑜媽咪, 之前都叫買左好耐了, 今日終於買到了….
之後行下行下, 想番酒店的, 都係打下俾佢, 睇佢出唔出, 佢又出喎, 不過佢知道係我叫佢女朋友去佢屋企, 就即刻唔開心, 梗係啦, 邊有咁識做人, 想下都應該知啦, 不過唔係係我把口講出黎的, 而係係佢自己女朋友把口講出黎
|
