話咁快, 就到我地新年旅程的最後一天, 今日朝都俾人玩番餐, 又話想見我, 約我出黎, 點知我換哂衫, 佢就無左聲氣, 大佬, 凌晨兩點幾講, 等到佢凌晨4點….我唔會覺得佢唔識路, 我會覺得佢玩野, 我一定唔會就咁算, 下次俾我見到佢, 我一定玩死佢…..
今日就要走了, 都唔知幾時先會返黎, 真係有點唔捨得, 最唔捨得唔係呢度的事同物, 而係呢度的人, 呢度的人令我有很多重要的回憶, 尋晚俾人整左兩個鐘無訓, 今日都有點唔知醒, 所以下次都係咪鬼理佢, 早上食d野都唔敢太多水, 粥個d都吾使吃….同兄弟吃完早餐, 就check out番香港了….
今日比預期的快, 本來以為要6個鐘, 4個鐘就番左香港, 不過中途食左我呢世人食過最難食的魚旦, 如果唔係肚餓同無得選擇, 我真係唔會食….無魚味, 仲要成口粉, 點可以做一粒咁既魚旦, 我覺得真係要請教下佢….
返到香港, 話哂都新年, 都未同過瑜媽咪食餐飯, 真係有點兒哪個, 晚上出去apm, 唔使咁多人呀, 間間都爆, 排隊排到呀媽都唔認得, 我最憎排隊, 貼錢俾我都唔食…最後都係去左上次食墨魚飯個間, 今日order左既野剛剛好, 唔會食唔哂, 最緊要唔會浪費, 同教細佬table sense….唔係到時中學佢就俾人話無家教, 或俾人笑佢大鄉李, 教左即刻成個人精神左….哈哈, 都係我教得好…有點驕傲的說….
|
