本來今日已經遲左, 2點幾仲未出門口, 點知臨出門口之前, 升爺返轉頭同我講佢記得帶制服的領帶同埋腰帶, 仲要唔知放左去邊, 個時間咁趕先發現野唔見左, 個心都真係幾慌, 我都已經幫手搵, 不過都搵唔到, 唔通掉左, 不過無可能, 我媽都唔鐘意掉野既, 之前我番工的制服佢都無掉…仲要係幾年前的了, 所以我地肯定係間屋入面, 不過唔知係邊, 我地番轉間屋, 邊度都搵…最後搵到了, 就係之前執野D衫入面, 真係白痴….

 

今次上去都係用全日通, 真係慳錢, 本來想入貨的, 不過今日見到間店好似想執野走佬咁, 之前家姐話大陸佬過年前將貨賣哂就走佬了, 買左可以用的貨就話者, 唔可以用, 即係掉哂落咸水海, 所以都無點入貨…之後行下大陸的年貨, 依家大陸野都唔平, 仲要俾人仔, 所以都係一元都無買….番左香港, 唔知點解今日咁累呢, 坐過龍都唔知, 不過好在有全日通, 可以坐輕鐵, 唔係就真係行餐飽….

 

晚上八點仲係元朗, 不過八點半就出到MK, 出到去瑜話想食日本野, 都唔知係咪傻架, 依家幾多度呀….仲食日本野, 都唔怕肚痛, 我就一定唔會食啦, 要食都係佢食…

 

最後我地都係幫親上次係花園街的餐廳, 嗯, 今次的水準都KEEP到, 唔怪之得佢咁好生意, 最後仲幫襯左佢一件拿破崙, 不過件野真係唔係好得, 仲要5元, 無下次了D餅, 食野就OK既….今晚返到屋企….竟然一點倦意都無, 所以我就做野做天光好了