難得今日係屋企, 計下數自己都唔係屋企食飯幾多日, 已經講唔出上次係屋企食飯係幾時, 所以今晚無咩事就留番係屋企, 自己煮下飯, 執下野….
今日原來係美國總統的就職日子, 不過邊個做總統都好似唔關事, 因為佢只係一個人,唔係神…奧巴馬係美國想有作為都唔使旨意, 因為太多制肘了, 如果佢係中國, 佢就一定會係一個可以幫助國家改革的人…因為中國國家主席就係神, 講左既野可以話做就做….
今日聽瑜講話佢公司的同事爆大鑊, 其中一個忍唔住就話唔做, 真係白痴, 如果係我, 我一定會同佢鬥過, 唔做咪即係投降, 我覺得無咁既必要, 其實同事都係人, 人心肉做, 無話針對邊個既, 所以我有時叫瑜請佢的同事食野, 話哂大家一日對成10個鐘, 做左朋友梗係好點, 因為工作時間就會快點過, 如果大家爭來爭去的話, 仲邊會有心機做野, 所以我之前同同事的關係都好好, 仲可以得閒出黎吹下水, 唉…辨公室政治好似好多學問咁, 不過你做得好, 你會有好多意想不到的收穫
|
