拖左咁多日, 今日買左油, 都唔係最主要….最主要都係個時間, 因為平時遲起身, 所以拖得一日得一日, 不過今朝一定要早起身, 因為要幫家姐買2部冷氣, 點解要早起身, 因為開倉, 開倉我唔係未去過, 不過要排隊我都係第一次, 今日我地排50幾….真係咩鬼都俾人買哂, 不過冷氣好似今天銷路一般, 我同升仔都可以一人一部, 後面的女人仲有最後一部, 即係我地係尾二, 同尾三, 遲多少少都唔使拎….
買左野, 同升仔食完飯, 買齊工具番屋企油油, 都成2點幾, 今日我就油門框, 升仔就負責油大門, 不過我地之後的面都貼哂公仔, 呢d功仔好多都係家姐買, 唔知邊個貼, 真係想打鑊佢, 勁多膠紙蹟, 要用松節水係咁省, 呢個都係大陸學番黎, 原來松節水可以去蹟的, 今次都幫左我地唔少, 唔使死剷難剷…..不過今日整得黎都幾趕, 整好都成6點半…我叫升仔善後, 我出左去買野今晚去瑜屋企打邊爐, 因為之前話我會一手包辨, 所以都要想湯底, 買咩野打, 仲有夠唔夠食, 會唔會太多…..不過今晚買左好多海鮮, 瑜原來未食過蟶子的…..不過佢未食過, 我都未洗過, 所以仲有少少沙, 不過我睇過網上話係時間的問題, 唔關人手洗的問題….今日的份量剛剛好, 唔會太多, 又唔會太少…….
|
