今日約左人, 自己校左時間起身, 不過到最後自己賴床, 因為天氣太凍了, 點知一醒已經係同人約定的時間, 瑜話佢上次就5分鐘出門口, 我就一分鐘都唔使, 因為尋晚已經著定左衫, 穿埋條褲就走得…..
不過點趕都好, 最後都係遲左半個鐘, 不過我次次都等佢, 所以要佢等番都好應該, 依家都係佢10次, 我一次….所以最後佢都無問我, 無要我解釋….仲好好幫我編埋野…..
今日去完之後, 係沙田宜家行左一個圈, 依家好似無左個餐廳, 得番小食, 梗係啦, 係網上俾人話去宜家為左食野多過去買傢俱, 真係激死d高層…..今日番屋企之前叫左升仔出黎食野, 食完野今日番屋企要油門, 用大陸油油下….上次個底漆都可以接受, 同之前係錦繡油的一樣…色….上油都幾方便…今日罐白色就….臭到爆….油上去又一達達, 不過最後都油好了, 晚上洗白白的時候看一看….油的地方都是白里透黃的….唉…大陸油都係算吧啦……
晚上無出去瑜度拎豬腳薑….因為都行唔開….個水喉拎爆左, 整到我行上行落買野都行左幾次….頂….升仔又趕住番工, 得我自己一個, 一開水, 爆到7彩有份….想關水制都關唔切啦…..不過升仔等到爸番黎先走都叫有義氣了, 不過我地整左都唔係好耐…半個鐘就攪店了, 不過都成8點了…..
|
