今日訓醒就北上, 北上前要拎野俾瑜的netfriend, 之後買左藍芽的, 本來上星期六要寄的, 不過知佢係屯門, 所以借北上之機, 拎埋俾佢, 慳番郵資, 今日北上的成本平左好多….計一下平左幾多先, 太子去美孚, 5.6之後買左西鐵全日通, 20元, 之後北上元朗站坐b1, 9元, 回來坐小巴, 4.5…本來6元的, 不過個白痴司機唔記得轉, 俾我搶do成功, 之後個d都係俾6元, 我去左八達通機做左鑒定….係俾左4.5….$38.1, 平時北上都要70元來回, 今次平左接近一半…所以下次都會買番西鐵全日通….
最緊要係西鐵仲可以唔使錢坐埋輕鐵….今日我入輕鐵站直行直過, 好多人都會覺得點解呢條粉腸無事, 唔俾人捉到….呵呵….今次應該係我第二次坐輕鐵, 對上一次就係小學時….所以今日我見到輕鐵個路線圖都唔知點好….好在一轉身就見到部車…..原來輕鐵無分咩線, 而係分咩號車, 所以同一個月台都會有可能有幾個唔同的目的地, 唔好亂上, 上錯左, 唔係轉過對面就無事…..
今日北上來回都唔使2個鐘連埋食野, 真係破哂之前的紀錄, 不過今晚最緊要拎左貨俾瑜, 唔係都唔知應該幾時拎俾佢, 就算拎左俾佢, 佢都唔知咩東東啦……所以今晚同佢食飯之後教埋佢點做…..唔好等佢成日問點解……
|
