今日一起身就去左瑜個度食野, 之前食來食去都係m記, 本來今日打算去興發, 不過都係唔好, 無咩興趣, 走左去食大快活, 食完係度傾下點賣野個時, 見到之前的同事, 應該無見3年了, 我06無做之後, 都無想過會係九龍見到佢, 佢屋企係香港, 之前番工都係香港, 點估得到佢會係九龍出現…..有時都唔可以唔信香港真係幾細…..

 

跟住去左佢公司睇下, 唔係好大, 不過都好似好專業, 係一個醫療機構的屬下, 都有好多分店, 仲有好多公司會幫襯, 生意應該唔係問題, 最令我奇怪就係hacel都會加入佢地間公司, 我估佢地的規模一定要有番咁上下, 唔係點承擔得起hacel一間咁多的公司….

 

跟住番左屋企整花哂, 仲有出貨, 原來花哂有怪聲係因為水壓的問題,關細左少少就即時好番好多…..原來咁簡單, 早知唔使驚餐飽….之後就去左寄貨, 寄完貨本來想係屋企hea一陣, 點知媽咪拎左一隻甩左的櫃門落黎, 話個吊櫃甩出黎的, 話唔知點算, 點算, 仲可以點算, 咪整羅, 不過我地整整下覺得個吊櫃好似變左型, 應該會買過第二個, 唔會再整…..

 

媽咪的要求一浪接一浪, 之後整完櫃就要整牆紙, 一浪接一浪, 今日成日係屋企做大執屋, 唉….不過都應左年28, 要清潔間屋的傳統…..