不過今年的我, 不會覺得唏噓, 反而更希望新的一年來臨, 新的一年有新的際遇, 新的生活, 今年一定勝往年….或許今年開心的比唔開心的多, 不過我唔會向回頭看, 因為過去的日子是追不回的了….

 

今日下午瑜打俾我個時, 我真係唔係好想起身, 不過見到有利是抖, 即刻醒左, 今日去佢3e媽上水的屋企個度, 唔知有幾多利是呢, 上年就20元, 今年我咁乖, 睇黎都應該有21元掛, 哈哈, 同瑜細佬一齊有時都唔知喊好定笑好, 不過有件事係肯定的, 就係今年一定要教好佢, 當係wedding之後生bb的實習, 教好一個人係要過程, 係需要時間的, 反而我會覺得短時間佢已經聽我話, 當我係自己人, 我覺得已經好過預期~~

今日見到3e媽同佢個仔, 偉表哥, 上年都見過佢, 之前都唔知原來佢係香港人, 依家覺得佢真係變左一個大陸人了, 連口音都好似…..今晚俾佢引我同瑜北上, 佢拎左車, 咁是但啦,反正都係早一日上, 又可以有順風車, 所以急忙回家執野, 點知最重要的東西, 茶葉, 我唔記得帶….牙膏我又唔記得帶….都唔知點解要出左門口先知既….

 

執完野係旺角同偉表哥行佢對波鞋, 不過我就覺得佢好似女人咁, 揀來揀去都揀唔到, 最後揀左對都唔知應該點話佢好的波鞋, 但我覺得如果我花兩個鐘係條街行的話, 我絕對唔會買呢對波鞋…..橫跨年初一的晚上, 我係車入面過, 車的方向是去廣州的……