食尋晚個餐都唔飽, 掛住整部機, 都唔記得食野, 好在有買到杯面, 不過食左之後都無咩用, 訓左一陣我就醒左, 個時先2點幾, 眼光光飲左豬肉湯咁, 係張床轉來轉去整到六點先訓到覺, 早上九點起身都差少少唔知醒, 起左身之後整好我既野, 放左水俾瑜洗白白, 我就係出面執野, 一陣可以CHECK OUT, 今日好在預到個時間, 俊包尾, 俾人省餐飽….
今日上午去左瑜外婆個邊, 有蔗水飲, 我飲左3碗呀, 愈飲愈停唔到口, 會唔會俾我飲哂架….哈哈, 之後去左間酒店食開年飯, 有鱘龍吃….全左呢樣野, 其他都真係唔食好過食, 我未試過係出面食飯會食到結左油的燒鵝, 食多兩口都怕痾餐飽….
之後去見左瑜的二E媽, 佢同瑜媽咪好似樣,不過就好NICE, 唔知係咪因為年紀的問題呢, 之後就見埋九E, 就完成左瑜個邊的抖利是行程了, 不過我呢幾日除左抖利是之外, 就見到一樣野, 就係錢真係令到兄弟姐妹的感情起了分化, 5E媽就係咁哂命, 其他E媽就好似生活好艱苦咁, 不過5E媽又真係做唔到咩, 因為佢都有自己的家庭, 不過如果人去左佢屋企, 再看下自己的屋企, 真係有比較…..我就係咁想, 唔知佢地係咪?
之後坐左幾個鐘頭車, 係架車訓, 因為尋晚都無點訓, 所以覺得呢程車特別短, 特別易過, 去到目的地即刻精神哂….因為又有得玩….晚上周圍行下, 見到有好多之前未見過既野, 樣樣都好似好新奇咁, 唔講真係以為我地係土包子…..
今晚終於見到佢女朋友, 原來都唔係佢講咁靚, 不過見到佢打扮到好似好成熟咁, 佢大個了, 都開心既……晚上去左食我的最愛甜品, 打包都咁好食…..雖然凍左少少….
|
