今年大年初一同上年一樣, 都好白痴….上年我就同家姐佢地係大浪西灣度過, 食沙, 今年就唔關口事…..關對耳事….上到廣州, 表嫂話細佬係我地走左之後, 喊到豬頭咁, 話佢好唔捨得我地走, 我地個時真係笑到收唔到聲, 佢係唔捨得我地走….我地走帶埋佢部nds的卡仔走, 佢無得玩, 表嫂知道之後, 佢個表情都係哭笑不得….哈哈….
今晚偉表哥同我講係佢生意上的夥伴開disco, 起初以為係俾面派對, 點知, 上到去, 我同瑜就硬膠膠坐係度, 聽住一d不知所謂, 又嘈到爆到音樂, 真係留多一秒都想死….仲慘過受刑….我同瑜愈坐就愈覺得好似上左賊船, 入面真係咩都有, 好既又有, 唔好既又有…..終於捱到表哥話叫走….佢走個時仲話我地係咪好鐘意呢d地方, 我好無奈, 我係咁嘈的音樂度訓….正常人都唔會訓啦….如果唔係怕我地走左, 好似落佢面咁, 我地一早走左啦….之後表哥帶我地返左佢屋企, 佢屋企2房一廳, 都ok乾淨, 不過我都無咩心情慢慢參觀佢的房子, 只係好想好想可以有個地方俾我訓一陣, 我地今日應剩左5e媽去佢度, 去唔度真係俾人省到上天花板…..校左鬧鐘, 不過最初都唔係好訓得著, 到醒個時又剷都唔起身, 不過我去人地屋企訓有個習慣, 就係盡可能將人地俾我訓張床還原, 因為我覺得呢個係禮貌, 我都覺得如果有人黎我屋企訓, 佢都應該收拾一下床, 唔係當我屋企係酒店咩…..
之後攪左好耐周圍去搵地鐵站, 去5e媽度, 見到5e媽就好祈待佢個間7星的酒店, 我都係俾佢呢句野吸引左過黎, 今日意外地收多左2封利是, 係5e媽佢地工作上的朋友俾的….哈哈, 之後就去左佢個邊, 恒大…..
之前聽都未聽過, 不過入面的建築可以用大陸的基本建築風格來形容, 就係大, 彷西式, 個外形做得幾好, 不過detail位就一般….5e媽間屋裝修真係有九十分, 話哂都係大陸專業的人整….有3房,2廁, 1工人房, 仲有工人洗手間….呢個建築模式我都係第一次見, 都叫開左眼界, 今日見到佢好多親戚, 又有利是收, 哈哈…
之後終於去左我地今晚會住的7星酒店, 本來以為係佢屋企的, 點知原來真係一間酒店….佔地好大, 不過設計我覺得就真係膠膠地, 因為個front desk係俾一個介紹樓房的模型隔開….之後上到房會覺得間房窗簾都整到有遙控, 點解其他野唔整埋呢, 最簡單個電視遙控都可以無, 去行來行去……唉…5e媽本來都覺得間酒店好, 不過俾我話5星都無, 即刻轉呔, 話佢的朋友未見過大蛇痾尿….都未見過靚的酒店….不過佢個句超大, 我真係想係個心入面笑出黎….
依家咪知咩見未見過世面羅, 有錢係一件事, 有sense係呢一件事…..
晚上去左佢地老地方食飯, 有個部長走左入黎找姨丈嗨氣, 話佢點解打親俾姨丈都無人聽, 姨丈又扮哂無辜, 只有一個解釋, 就係姨丈黑名單左人地, 但我整左好耐都唔知係邊, 不過俊搵到, 我最後都攪得店, 好在又立左功, 唔會俾人覺得我地係大食懶, 哈哈….
|
