今日唔知點解媽咪提出想團年, 尋晚講左, 我地仲以為佢講下就算, 尋晚通左頂之後, 早上爸話去買野拜神, 叫我落去幫手拎, 點知行行下又話未有野賣, 好在依家我做咩都慢吞吞, 之前我估我一早就落左去…今朝俾爸爸打左幾個電話之後,媽咪都醒左, 媽咪本來想懶下, 叫我落去, 不過我尋晚仲有野未做完, 我話我唔去啦, 媽咪就同左爸爸去買野拜神, 佢返到屋企我就剛剛做完, 好累…去訓一陣先…..
起身個時, 咩都做好哂啦, 依家做既野就係等食, 不過今日早上打左去people個度, 傾番個plan價錢, 傾完咪去交錢, 唔通博cut咩? 出街之前同媽咪講話我交完電話費就同佢出去行街街, 點知我交完錢行完番黎, 佢就係同一個Post, 就係呆係度, 唉, 等埋佢換衫出門口, 都成七點幾, 一邊行一邊俾佢話我次次同佢去街都咁夜, 我聽到好無奈, 唔知點應佢…
其實今晚都唔知行左咩, 不過都行左3個幾鐘, 返到屋企, 第一時間我就拎左豬利黎食, 一定無人同我爭, 年年都係我吃左, 所以我先咁牙尖咀利
|
