今日要去做義工, 同上次一樣都係同一個地方, 同一個導師, 我地今日去做的係幫一間小學油油, 係油樓梯的扶手, 上次就油左底油, 今次就油面油, 唔係睇好似油好少野, 已經足夠我地8個人油一日….點解?....
因為我地油的扶手好多死角, 隻手伸唔到, 油掃太入又怕整到牆身, 一陣要清潔刷餐飽….吸收左上次的經驗, 今次同樣的有幾個好似我地上次的新丁, 唔識死, 係咁亂做….我就捱義氣幫佢地係後面做跟班, 做清潔, 真係好似驗屍咁驗, 6層樓今日我起碼行左超過7次…..因為要來來回回咁睇….
我地有幾個上次做完, 就知要求幾嚴格, 所以寧願做慢點, 都執乾淨點, 唔好俾人哦…..今日又學到野, 我之前係屋企油門, 依家唔知點解好多漆都聚左, 整到好多好似溶岩咁的痕, 今日個導師教我, 先剷起左, 再用平底漿整平, 再上油, 咁就一定會靚番, 最緊要就係上油之前用砂紙磨下先,咁就唔會翻油, 一定上到, 唔知係唔係, 等我試下先…
今晚去左瑜屋企監住細佬寫字, 真係唔睇下佢之前寫的大字都唔知佢已經可以唔跟貼寫, 寫到咁核突, 其實都係瑜的責任, 如果佢唔累積, 日日都睇下佢的字, 佢就唔會咁易過到骨, 咁佢就唔會亂黎, 所以罰佢都唔可以過重…..呢d就叫量刑啦….佢又唔會唔服, 又會達到懲罰的效果,咁其實都係一種智慧
|
