今日一早我帶埋手提電腦左想右想要找一間有得上網的酒店, 因為出去睇下之後番酒店再check番個價, 咁先會萬無一失, 唔係買左貨返黎先知賣唔出, 咁咪死得, 今日間酒店好近海關, 近到不如番香港都得, 不過兩個人來回車錢都係咁既價錢, 仲有坐幾個鐘來回, 所以都係住番一晚好點….間酒店又係大陸最興的舊樓番新, 全新的氣味, I like it, 個洗手間都好靚, 好大, 間房就剛好一張床多少少位俾我地上網, 我安頓好左, 本來想訓一陣, 不過行來行去, 又訓唔著, 出左去格下價, 再番酒店已經5點幾, 不過係張床到點訓都訓唔著…..最後等到瑜差唔多過來的時候, 先有少少想訓的感覺, 人就係咁, 唔到最後都唔想訓…..

 

最後我梗係無訓到, 我提早左少少行去海關, 見到瑜之後去豬介紹的蠔門九式度吃蠔, 我地到的時間已經見到好似就關門咁, 不過一場去到, 無理由咩都唔食就行番出黎, 咁咪好蝕底, 最後都係入左去, 入左去第一個感覺係無service, 人都掛住放工, 不過落order上菜都算快, 同味道都幾好, 整體都叫不過不失啦…..

 

食完呢間仲係覺得有點肚餓, 唔係應該話好肚餓, 之後去左sue介紹的生蠔店, 又係食蠔, 今晚食蠔我同瑜起碼一人20隻, 不過呢間我覺得小炒可能會好過生蠔, 始終無我淡水個邊咁好吃….下次可以再覆灼…..