本來以為自己飲茶太多, 茶太苦, 整到削胃, 不過事實係我同瑜都可能領左野….結果瑜第一個証實左, 佢已經返唔到工了, 哈哈!!~~佢打俾我個時我剛係洗手間, 所以無聽佢電話, 打番俾佢, 叫佢多點休息, 其實我都應該多點休息, 個陣真係邊到都唔想去…..不過瑜話唔番工, 就要拎醫生紙, 又係喎…唔記得左….唔係慳錢, 而係真係唔想出街, 所以叫瑜過我度…..

 

屋企附近的家庭醫生, 我地有咩事都會去睇佢, 佢的藥會比較到位, 上次瑜睇醫生佢個邊又貴, 又無咩效, 不如試下我地呢邊…..今日見到佢都好似得番半條人命咁, 我突然覺得我都唔係病得好金….因為旁邊有左個對比, 睇完醫生, 醫生叫我買寶礦力俾佢飲, 因為痾到得番水, 會消耗大量的電解質, 飲左補充番, 所以我買左8枝俾佢, 我自己要左一枝….因為我都有痾,不過無佢咁嚴重…所以我都係要番一枝就得了…..

 

瑜就返屋企休息, 我就係度眼光光, 下午都去左4,5次…..唉….都唔知食左咩而領野, 不過呢兩日去的地方食既野, 飲既野, 都會BLACKLIST…..寧枉勿縱