終於早左出門口, 不過都係剛剛好係地鐵站join到瑜, 一邊行一邊想去食咩…..之前大快活同m記都已經食到厭, 今日轉下口味, 去番興發吃早餐, 不過去興發見到個餐牌, 有種即刻想走的感覺, 因為早餐仲衰過大快活, 依家佢有埋點心, 不過點心蝦餃$22元, 燒賣要$16元, 真係當依家係07年咩, 大家都大把錢, 使唔哂…..之後我地都係叫左個餐旦面, 同腿旦面, 都無咩好食…..
拎左件貨今日同個客換番, 之後我就番屋企, 今日個個賣手機的賤人終於出黎同我交收了, 佢已經放左我兩次飛機了, 本來仲想同佢買部c902, 依家真係咩興趣都無….今日以為可以換到部手機, 點知即場試個時, 又係著唔到機, 真係好x cheap, 又話聽日先再換, 唉, 聽日都唔知會唔會放飛機, 不過依家叫肉在砧板上, 無辨法啦….
之後去換藍芽, 個條友又話叫我去旺角打俾佢, 點知打俾佢又話唔得閒, 整到我係skm入, 係太子出, 一個站, 真係蝕左, 再打俾佢, 佢就話係旺角捐血中, 妖, 又話做緊野, 捐血都叫做緊野….你早講去搵你咪唔使我係太子行去旺角搵你….
去到佢又話用唔到, 個盒都俾佢折磨到不似人型, 最多我都係換隻芽俾佢…點知我試下隻芽, 一d問題都無, 頂佢個肺, 哂我時間…..不過我仲要好好service對住佢話唔緊要, 個一下我個心真係想叫佢去死….個下內心戲,我都覺得自己好假
晚上拎番隻藍芽俾瑜, 同買個包俾佢, 我都知放工好肚餓的了, 所以我買左個最大的薄餅俾佢…..一個佢應該飽哂了…哈哈
|
