好耐都無去呢度食飯, 之前我地成家人都當左呢度係飯堂, 因為貪佢平靚正, 之後因為佢愈做愈衰, 所以就BLACKLIST左佢一段時間, 今日再去….個感覺都無咩點變, 不過SERVICE就好左好多, 或者我地去既時候都係晚市剛開始….

 

呢度唔理你食咩, 一開始就會俾個例湯你, 個湯無落味精就假的, 不過唔使錢, 你仲想點呢….出面買個味精湯都有5元個, 何況仲有一大碗足夠4人份量的湯, 之後叫左個什會炒面, 一個椒鹽骨, 個椒鹽骨黎先, 但係骨就唔係好見到, 見到的都係豬扒多, 另一個什會炒面, 仲攪笑, 個汁有點苦, 我就食左一啖, 覺得接受唔到, 所以就唔食了, 爸都試左, 就話無問題, 我話你覺得無問題, 你食哂, 一係叫佢換過, 佢食左兩啖之後就叫人換…..我都覺得有問題…你會覺得無問題, 你把口仲叼過我….

 

之後換番黎既, 就係同無換一樣, 因為佢係幫我地撈過D面, 根本上無換過, 叫你地撈, 我唔識咩….我就想叫老闆過黎X佢….點知我爸話無問題….咁都可以叫無問題….根本上就無換…如果佢唔換就出聲, 依家即係算點….. 同埋你覺得無問題, 就應該第一次都唔好換, 點解你第一次又叫人換先…..真係好不解…..

 

跟住我叫第二個乾炒牛河, 呢個都似D樣, 好在我今日都無咩胃口…食唔到幾多, 同埋最緊要唔係我俾錢……如果唔係我一定唔會就咁算…..