不過好在出去個兩個鐘只係手腳無力, 無肚痛, 唔係都唔知起唔起到身….今日食大快活個早餐, 我尋日成日都無食過野, 因為痾連咩胃口都無埋….夜晚連飯都無咩點食, 只係食左D餅…..所以今朝個早餐唔係覺得特別好味, 而食得好慢, 而係因為今朝一定要食野, 唔係都唔知痾咩….其實個時都無咩胃口, 不過點都倒哂落去….

 

今晚去瑜度檢查下細佬的功課, 唉, 佢仲衰過我細佬, 我細佬雖然爛玩, 都未有佢咁….佢真係唔督住就唔做野, 就算督住, 都係求其了事, 不過如果唔係想同瑜過下半世, 佢係我未來的舅仔, 我真係唔X理佢….等佢死啦….有時做管教又怕太嚴, 又怕太鬆, 要係中間取得平衡, 真係唔係三言兩語可以講得清楚, 我都係摸索階段, 不過我一定會盡力….就算佢唔可以出人頭地, 都起碼做一個好人, 唔會影響個社會先…..

 

所以今晚佢反抗, 我就唔俾飯佢食…等佢餓下, 餓得一次, 餓唔到兩次…呢D我細個都試過, 最有效, 因為最直接影響自己的利益

 

今晚瑜收到佢的情人節禮物, 不過我個份就未有著落, 唔知幾時先有呢...今晚都可以叫情人節經典, 因為係呢一晚, 細佬無飯食....