新年之後, 唔知係咪人多左利是錢, 我地的貨都賣得7788, 或者我地剛開始, d貨都唔算太多, 加上上左幾日大陸, d貨就賣得幾多, 尋晚無番屋企, 係瑜個度, 因為做完野都幾累, 尋日成8點起身, 做完野都成2點幾, 3點, 因為怕返到屋企都4點幾, 做一陣野都天光啦, 天光先訓咁咪哂左成日時間, 所以我決定係瑜屋企過, 唔係為左懶番屋企, 而係要更加勤力去做野….
今日一早湊左瑜返工, 之後就北上, 睇下有無咩新貨….點知10室九空, 今日已經係初八了, 大陸仲係無咩人, 我應該一早想到佢地今日唔會有咩人, 因為佢地學校都放到過左初十啦, 邊有咁早呀…..自己上去都係多餘的, 最慘就係成個商場都無開, 想入去睇下都無機會….最頂癮係佢話初九啟市…..咪即係聽日…..我今日的收穫係0…..頂….白上去都唔知攪咩…..
今日返返黎都成8點幾, 買左士多啤梨俾瑜的同事食…..買左3盒, 瑜打斧頭俾左一盒佢地同事, 其他的都係拎左番屋企…..今晚好似好累咁, 梗係啦, 行左成日, 仲要拎住d貨, 之後成晚又要俾瑜係咁問問題….果然我忍唔住, 就發脾氣….累已經唔想諗野, 仲要係咁煩煩煩….所以係度我都係唔知錯的, 笨瑜, 見到人唔妥, 仲問呀啦…..抵你俾人鬧……哈哈
|
