從過年到今日, 都好似無一日係屋企食飯, 突然覺得係屋企自己煮飯, 食飯都好難得, 前晚訓得唔係咁好, 所以尋晚係自己張床, 數唔夠10下就已經不醒人事, 今日起身的時候已經係下午2點幾….哈哈, 訓埋前晚個份…下午的時間過得都好快, 沖個涼, check下email, 睇下瑜個面個acc就已經到左晚上的食飯時間…..
剛好爸同我講話出唔出街行下, 都好, 訓左咁多個鐘, 骨都直埋, 出去做下運動都好…今日出左去買送, 都無咩野想食, 或者係尋日食得太多, 所以依家都係想清少少, 唔使個胃負擔咁大….
買左好多儲備番屋企, 有好多丸啦, 好多都係新出的丸,唔知到時的味道係點, 到時一家要記住….因為都係d sales講得咁吸引我先會幫襯….今晚本來想整豆腐炆火腩, 煎左豆腐之後, 先發覺無左火腩, 勁低能, 點知左搵右搵又俾我搵到一袋好似豬肚咁既野, 解左凍之後發現原來燒肉係咩入面, 真係踏破鐵鞋無覓處, 得來全不費功夫!!!整一餐飯我真係唔明唔解我呀爸可以整到周圍都肥林林, 我就可以咁乾淨, 同埋佢整得又多, 又唔好食, 都唔明點解仲要煮, 煮左咁多年都無進步, 佢就成日拎你以前的女朋友飲過我的湯都話好味架, 佢真係唔識分, 邊句係口, 邊句係心….
|
