今日一早俾媽咪嘈醒左, 一邊拍我, 一邊話有野同我講, 都唔知咩咁緊要, 又話要我即刻起身, 起左身之後, 原來佢同我講外公的事, 話外公就快死了, 又問我地可以點做? 唉, 呢d都係煩野…..唔理最好….不過依家話外公跌倒, 依家起唔到身, 係床上面大小二便, 唉, 講到咁, 仲可以講咩….人生行到呢一步, 真係幾痛苦
今日要去睇成人尿片, 尿套等等, 我從來都無想過我會接觸呢d野, 不過如果唔係去呢d地方, 都唔知原來會有好多野俾老人家用, 好似bb咁, 又會有日用尿片, 夜用尿片, 又有片芯, 仲有好多清潔的用品, 不過入得呢d地方都係社會的可悲人士, 所以我覺得唔應該係入面笑, 話原來有咁攪野既野….
個個sales話, 你都識幾多野, 都好全面, 我其實都係今朝係網上面睇知識惡補的, 其實老人家唔郁得, 同bb仔都係差唔多, 因為都唔識表達自己想要咩, 自己如果唔細心點, 好可能出左事先發覺, 甘可能會手尾長….
今日終於換到手機了, 我試左好多次, 先肯放佢走, 頂佢個肺, 成日放我飛機, 今次唔試清楚, 我一定唔會就咁算……換到之後今晚拎番部機俾瑜, 我就叫功德完滿了……
|
