今朝同瑜食早餐, 係M記, 今日我又遲左出門口, 鬼咩, 出門口之前開左部電腦, 有人傳EMAIL, 唔回又唔係, 所以整到今日遲左, 今日北上拎貨, 因為要即日來回, 所以我今日去西鐵個邊…..
今日上去買貨都係正常程序, 拎貨俾佢換, 買貨, 等…..係等個時本來想去食魚旦粉, 不過呢幾次上去, 都係係門口見到成條龍, 所以都無食到, 今日以為有得食啦, 今日都係無既, 頂, 不過成朝都無咩點食野, 同瑜食早餐個時我只係要左杯咖啡, 所以個肚係空的, 一定要搵D野食, 見到上次同瑜食個間烤鴨店無咩人, 本來自己話要BLACKLIST佢, 不過無人再試下, 如果試左係會肚瀉既, 即係其他係無辜啦, 其他就可以解封了…..
不過今日食完到依家打日記, 都未有肚痛的感覺, 即係佢應該無問題啦….呢間可以解封…..買完貨回香港, 見到一個好耐無見的朋友, 應該都有半年, 之前同佢買手機, 佢依家已經係老闆了, 不過都係咁, 一見面就問我借錢, 都唔知點做老闆, 成日都問人借錢, 好似已經變左佢的口頭禪了, 不過我都係個句, 唔會借…..
傾下近況…..知道佢點解仲問人借錢, 不過只可以同情, 唔可以借俾佢….今日見到家姐, 都成2個月無見過佢, 佢個肚依家漲卜卜的, 好攪野……係家姐的身材, 有個肚腩….哈哈, 見到就想笑….
今日個肚唔舒服, 所以家姐叫我地出去食飯, 都係唔好攪我了….唔係無錢埋單唔出, 而係真係邊度都唔想去……晚上拎埋D貨俾瑜去交收, 因為唔交收唔得, 唔係我都唔鬼出….
|
