今日訓醒, 有5個未接, 比平時多了幾個, 看一下信息, 瑜叫我起身找佢, 又無話咩事, 我好憎人講左一半, 唔講一半, 平時既我, 真係唔鬼理, 因為重要野都唔會唔講啦…肯定係廢話, 今日神推鬼整, 我打番俾瑜問佢咩事….
原來係佢5e媽黎左香港, 心想都無咩野, 見過佢5e媽, 典型既女人,典型既生意女人….仲有典型的性格….所以想討好佢一點都唔難….不過今日要去拎貨….都係陪少佢一陣, 早點回來好了…..
今日北上大致都算順利, 不過由起身都拎完貨都未食過野, 都係老地方一碗魚旦粉攪店, 今日拎貨無即場check, 不過上次拎佢的貨都無咩問題, 所以信佢一次, 睇佢有咩表現…想係大陸買油, 因為貪佢平, 點知…..白色既油叫佢開來看看, 打開, 個面好黃, 成層千年豬油係面咁, 不過都唔緊要, 咪叫佢整下點白法…..佢整左天拿水去攪, 唉….天拿水加瓷油, 之前係錦繡試過, 成pat屎咁, 不過大陸野可能唔同d掛…不過個底漆先離譜…過左期都賣…不過打開都無咩問題…..呢間野真係黑店, 早知一百幾十都係香港買算…唔知油成點呢…..等油完應該寫番個報告先…..如果真係差, 下次找機會玩番佢, 拎唔到錢都唔好俾佢咁開心…..
返到屋企, 剛好5e媽佢地係油麻地話去瑜屋企, 咁咪出去現身, 唔好整到食飯先出現, 唔係人地以為我屋企無飯食….不過見到先知, 3,4,5e媽都係度, 唉…3個女人….+埋我呢個半個女人….好容易我地就打開左話題, 傾傾下就番到屋企了…..
今晚去左個間食中餐的餐廳, 嘩, 入到去, 爆哂, 真係搵個位都難, 個晚如果唔係見我地7個人, 都真係唔使指意有位…..唔知佢地係咪因為食左大多果仁, 所以叫得4個餸….定係想幫我慳錢呢….7個人4個餸, 唔知以為5餅2魚, 咁抵食…….
|
